"Бунёдкор" клуби украиналик Александр Пишур билан шартнома имзолади ва уни ОЧЛ-2013 рўйхатига киритишга муваффақ бўлди. Ушбу ҳужум йиғин давомида бир нечта голлар урди ва мураббийларнинг ишончини қозонди. Футболчининг ўзи украиналик ҳамкасбларимизга берган интервьюсида янги жамоаси ҳақида ўз фикрлари билан ўртоқлашди.

"Куни кеча "Бунёдкор" билан бир йиллик шартнома имзоладим. Келишув бир йилга мўлжалланган, — дейди Пишур. — Жамоага деярли мослашиб олдим. Машғулот жараёнини ўташ учун клубда ажойиб шароит яратилган. Клубнинг хориждага 2та — БАА ва Туркияда ўтказилган йиғинларида иштирок этдим. Назаримда, менинг ўйин услубим "Бунёдкор" бош мураббийи Миржалол Қосимовга маъқул келди".

"Бир ҳафтадан кейин бизни Осиё чемпионлар лигасининг гуруҳ баҳси кутиб турибди. ОЧЛда "Санфречче Хиросима" (Япония), "Поханг Стилерс" (Жанубий Корея) ва "Бейзцин Гоан" (Хитой) жамоалари билан бир гуруҳдан ўрин олганмиз. Биринчи ўйинга яхшироқ тайёргарлик кўриш мақсадида, эртага Японияга учиб кетамиз. Шунингдек, Япония иқлимига ҳам мослашишимиз керак. Ўйин Хиросима шаҳрид бўлиб ўтади. 27 февраль куни "Санфречче" билан баҳс олиб борамиз", дейди украиналик ҳужумчи.