"Атлетик" Испания чемпионатининг 25-туридан ўрин олган баҳсда "Жирона"ни мағлуб этди - 3:2. Учрашув Бильбаодаги "Сан Мамес" стадионида бўлиб ўтди.
Учрашувнинг 2-дақиқасида мезбонлар ҳужумчиси Алехандро Беренгер ҳисобни очди. Унинг голи биринчи бўлимдаги ягона гол бўлди.
Иккинчи бўлим бошида украиналик ярим ҳимоячи Виктор Циганков ҳисобни тенглаштирди. Бироқ, деярли дарҳол Беренгер дубль қайд этди, Иняки Уилямс эса мезбонларнинг устунлигини оширди. 75-дақиқада меҳмонлар ҳимоячиси Эрик Гарсия орадаги фарқни қисқартирди ва якуний ҳисобни ўрнатди.
"Атлетик" ҳисобида 49 очко бор ва Ла Лига турнир жадвалида 5-ўринда бормоқда. “Жирона” қаторасига иккинчи мағлубиятини қабул қилиб олди ва пешқадам “Реал Мадрид”дан 6 очко ортда қолган ҳолда 2-ўринда бормоқда.
