"Atletik" Ispaniya chempionatining 25-turidan o‘rin olgan bahsda "Jirona"ni mag‘lub etdi - 3:2. Uchrashuv Bilbaodagi "San Mames" stadionida bo‘lib o‘tdi.
Uchrashuvning 2-daqiqasida mezbonlar hujumchisi Alexandro Berenger hisobni ochdi. Uning goli birinchi bo‘limdagi yagona gol bo‘ldi.
Ikkinchi bo‘lim boshida ukrainalik yarim himoyachi Viktor Sigankov hisobni tenglashtirdi. Biroq, deyarli darhol Berenger dubl qayd etdi, Inyaki Uilyams esa mezbonlarning ustunligini oshirdi. 75-daqiqada mehmonlar himoyachisi Erik Garsiya oradagi farqni qisqartirdi va yakuniy hisobni o‘rnatdi.
"Atletik" hisobida 49 ochko bor va La Liga turnir jadvalida 5-o‘rinda bormoqda. “Jirona” qatorasiga ikkinchi mag‘lubiyatini qabul qilib oldi va peshqadam “Real Madrid”dan 6 ochko ortda qolgan holda 2-o‘rinda bormoqda.
