"Арсенал"нинг 26 ёшли украиналик ҳимоячиси Александр Зинченко жароҳатидан фориғ бўлмоқда. Лондонликлар жамоасининг испаниялик мураббийи Микель Артета футболчининг қачон майдонга қайтиши ҳақида гапирди.
“Ушбу ўйинчиларнинг баъзилари: Зинченко, Томиясу, Жезус бошқаларга қараганда яхшироқ ривожланмоқда. Улар ўтган ҳафтада умумий гуруҳда маълум машқларни бажариб, машғулот ўтказишди. Умид қиламанки, мен улардан бир нечтасини тез орада майдонга қайтара оламан", - дея Артета сўзларини келтиради Football.london.
Жорий мавсумда чап қанот ҳимоячиси Александр Зинченко “Арсенал” сафида барча турнирларда 27 та ўйин ўтказиб, битта гол ва иккита голли узатмага муаллифлик қилган.
