Португалиялик ҳужумчи Рафаэль Леауга нисбатан танқидлар сўнмаяпти - у "Милан"нинг ҳар бир муваффақиятсиз ўйинидан кейин танқидга олинади.
Эндиликда Марадона билан бир клубда ўйнашга муваффақ бўлган, "Ювентус" ва "Наполи"нинг собиқ футболчиси Массимо Мауро португалиялик футболчини танқид қилди. Унинг фикрича, Лео мусиқага ҳаддан ташқари эътибор беради, бу эса уни асосий фаолиятидан чалғитади.
"Катта жамоалар катта футболчилар атрофида қурилади. Ва агар сизда рэппер етакчи бўлса, бу унинг жамоадошларини илҳомлантирмайди. Ҳа, дриблинг, лекин кейинчи? Баъзида дриблинг ҳам бўлмайди", - деди Мауро pianetamilan.it билан суҳбатда.
Леау ҳозирги жамоасида 2019 йилдан буён ўйнамоқда.
