Мадриднинг "Атлетико" клуби ярим ҳимоячиси Коке ЕЧЛ 1/8 финали доирасидаги "Интер"га қарши ўйин ҳақида ўз фикрлари билан ўртоқлашди.
"Бу ажойиб рақиб. Улар ҳужум қилишни ҳам, ҳимоя қилишни ҳам билишади. Олдинда бизни шиддатли рақобатга эга қийин учрашув кутиб турибди. Ғалаба қозонамиз деган умиддамиз. Чемпионлар лигаси даражаси доимий равишда ўсиб бормоқда, шунинг учун биз ўзимизни яхшилашимиз керак. Биз 100 фоиз кучимизни берамиз", - деди Коке Mundo Deportivo билан суҳбатда.
"Нерадзуррилар" ва "матрасчилар" ўртасидаги илк ўйин бугун, 20 февраль куни бўлиб ўтади.
