Франциянинг “ПСЖ” клуби ёзда “Барселона” ярим ҳимоячиси Френки де Йонгни ўз сафига қўшиб олмоқчи. Sport.es нашри хабарига кўра, парижликлар футболчи учун 60 миллион евро тўлашга тайёр.
"Барселона" Френки учун кўпроқ товон пули сўраши аввалроқ хабар қилинганди. Ярим ҳимоячи 90-100 миллион еврога баҳоланмоқда, аммо "ПСЖ" бу суммани тўламоқчими ёки йўқми ҳозирча маълум эмас.
"Барселона" яқинда Де Йонгга маоши қисқартирилган янги шартнома таклиф қилди. Футболчи раҳбарият шартлари бўйича янги шартнома имзолашни истамаяпти. Унинг маоши йилига 37,5 миллион еврони ташкил қилади.
