Италиянинг “Болонья” клуби ҳужумчиси Жошуа Зиркзее Италияни Альбионга ўзгартириши мумкин. Бу ҳақда Sport Witness.com хабар бермоқда.
Манбага кўра, 22 ёшли футболчини ўз сафига қўшишга Лондоннинг "Арсенал" клуби қизиқмоқда. "Канонирлар" ёзги трансфер ойнасида футболчини қўлга киритиш учун кучли фаворит саналади.
Жорий мавсумда 27 та ўйинда Зиркзее ўнта гол урди ва бешта голли узатмани амалга оширди.
Жошуа 2022 йилнинг ёзидан буён "Болонья"да ўйнамоқда. Томонлар ўртасидаги шартнома 2026 йилнинг июнь ойи охирида тугайди.