Каталониянинг "Барселона" клуби "Бавария" ярим ҳимоячиси Жошуа Киммихга яна қизиқиш билдирмоқда. Журналист Адриан Санчеснинг маълумотларига кўра, жамоа Жошуа Киммихнинг атрофидагилар билан алоқаларни тиклашни режалаштирмоқда.
Аввалроқ, тажрибали германиялик "Бавария"даги позициясидан норози экани маълум бўлган эди. Футболчининг бош мураббийи Томас Тухель билан муносабатлари ёмонлашган, у Жошуани етарлича қадрламайди.
Юқоридагиларнинг барчасини, шунингдек, шартнома муддати бир ярим йилдан кейин тугашини инобатга олган ҳолда, Киммих келаси ёзда “Бавария”ни тарк этишга тайёр.
