"Манчестер Юнайтед" жамоаси марказий ҳимоячиси Рафаэль Варанга ўринбосар қидирмоқда. Бу ҳақда Teamtalk хабар бермоқда.
Манбага маълум бўлишича, "қизил иблислар" Италия чемпионатидан ўринбосар топа олди. Манкунианликлар франциялик футболчига ўринбосар сифатида Туриннинг “Ювентус” клуби ҳимоячиси Глейсон Бремер номзодини кўриб чиқмоқда.
Аввалроқ матбуотда бразилиялик футболчининг потенциал трансфери тахминан 75 миллион еврога баҳолангани хабар қилинганди. Италия А Сериясининг жорий мавсумида Бремер 24 та ўйин ўтказди.