"Ливерпуль" вингери Муҳаммад Салоҳ жароҳати сабаб мерсисайдликлар жамоасининг навбатдаги учта ўйинини ўтказиб юборади.

Манбанинг ёзишича, мисрлик футболчи тикланиш жараёнини тезлаштирган ва майдонга киришга шошилган. Салоҳ камида 2 мартгача "Ливерпуль" ўйинларида қатнашмайди.

Шу тариқа, футболчи “Лутон” билан Англия чемпионати (21 февраль), “Челси” билан Англия Лига кубоги финали (25 февраль) ва “Саутгемптон” билан Англия кубоги 1/8 финал учрашувини (28 февраль) ўтказиб юборади.

Аввалроқ, ОАВда Салоҳнинг Африка Миллатлар кубоги вақтида олган сон жароҳати қайт қилгани ҳақида маълумотлар пайдо бўлган эди.

Жорий мавсум Салоҳ барча турнирларда 28 та ўйинда иштирок этиб, 19 та гол ва 10 та голли узатмани амалга оширган.