"Манчестер Сити" ҳимоячиси Кайл Уокер Англия Премьер-лигасининг жорий чемпионлиги учун кураш ҳақида фикр билдирди.
“Биз иккита кучли клуб – “Арсенал” ва “Ливерпуль”га қарши курашяпмиз. Клоппнинг истеъфоси ҳақидаги эълон "Ливерпуль"га куч берди ва энди улар ўз мураббийини муносиб равишда кузатиб қўймоқчи. Шунга қарамай, биз барча турнирларда охиригача курашишимизга ишонаман", — дея Уокернинг сўзларини келтиради beIN Sports.
Айни дамда Англия чемпионати пешқадами 57 очкога эга “Ливерпуль” бўлиб турибди. Мерсисайдликларнинг таъқибчилари - "Арсенал" (55) ва "Манчестер Сити" (53). Айтиш жоизки, Пеп Гвардиола шогирдларида захира ўйини бор.
