"Барселона" ярим ҳимоячиси Илкай Гюндоган эртага, 21 февраль куни бўлиб ўтадиган ушбу турнирнинг 1/8 финалида Каталония клубининг "Наполи"га қарши ўйини олдидан "кўк-анорранглилар"нинг жорий Чемпионлар лигасида муваффақиятли ўйнаш имкониятларига баҳо берди.

"Очиғини айтаман, мен бошқа жамоаларни кўпроқ имкониятлар ва тажрибага эга фаворит сифатида кўраман. Аммо чорак финалга чиқсак, ажойиб ҳолатда бўламиз. Ўтган йили "Интер" финалга чиқишини ким кутган эди? Мен реалистман, лекин бу барча жамоалар учун қийин эканлигини ҳам биламан. Бироқ, биз бу мусобақага тайёрмиз", - деди Гюндоган Mundo Deportivo билан суҳбатда.