"Ливерпуль" ва Бразилия терма жамоаси дарвозабони Алиссон Беккер яқин орада ўз жамоаларига ёрдам бермайди. Юлдуз дарвозабон "қизиллар"нинг сўнгги икки ўйинини тиззасидан олган жароҳат туфайли ўтказиб юборди.
Бразилия терма жамоаси бош мураббийи Доривал Жуниорнинг фикрича, Алиссоннинг жароҳати анча жиддий. "Пентакампеонлар" бошқарувчиси 31 ёшли футболчи миллий терма жамоанинг март ойи охирида бўлиб ўтадиган ўртоқлик ўйинларида иштирок этмаслигини тасдиқлади.
Шу тариқа, "Ливерпуль" "Манчестер Сити"га қарши (10 март) энг муҳим ўйинда етакчисиз қолишга мажбур бўлади. Алиссон жорий мавсумда 24 та ўйинда 21 та гол ўтказиб юборди.
