Чемпионлар лигаси плей-офф босқичидаги илк ўйинида “Интер” Мадриднинг “Атлетико” жамоасини мағлуб этди. Учрашув натижасини таниқли италиялик мутахассис Фабио Капелло изоҳлади. У Милан клуби Европанинг энг нуфузли клублар ўртасидаги футбол турнирида чорак финалга чиқишига ишонч билдирди.
"Барелла майдон марказида яхши ўйнади, қолганлари бироз адашишди. “Интер”да 5-6 та имконият бор эди, бироқ битта гол урди. Натижа анча муҳимроқ бўлиши мумкин эди. Кўпроқ имкониятларни голга айлантириш керак, лекин менимча, "Интер" барибир кейинги босқичга ўтади", - дея Капеллонинг сўзларини келтиради fcinter1908.it.
