Chempionlar ligasi pley-off bosqichidagi ilk o‘yinida “Inter” Madridning “Atletiko” jamoasini mag‘lub etdi. Uchrashuv natijasini taniqli italiyalik mutaxassis Fabio Kapello izohladi. U Milan klubi Yevropaning eng nufuzli klublar o‘rtasidagi futbol turnirida chorak finalga chiqishiga ishonch bildirdi.
"Barella maydon markazida yaxshi o‘ynadi, qolganlari biroz adashishdi. “Inter”da 5-6 ta imkoniyat bor edi, biroq bitta gol urdi. Natija ancha muhimroq bo‘lishi mumkin edi. Ko‘proq imkoniyatlarni golga aylantirish kerak, lekin menimcha, "Inter" baribir keyingi bosqichga o‘tadi", - deya Kapelloning so‘zlarini keltiradi fcinter1908.it.
