"Наполи"нинг собиқ ярим ҳимоячиси Марек Гамшик неаполитанликлар президенти Аурелио Ди Лаурентиснинг клубда ишлаш таклифига жавоб қайтарди.
Бош мураббий Вальтер Маццаррини Франческо Кальцонега алмаштирилгач, ОАВда Гамшик янги мутахассиснинг мураббийлар штабига қўшилиши ҳақида маълумотлар пайдо бўлди.
"Президент билан учрашаман, лекин "Наполи"нинг таклифи мен учун жуда жозибадор бўлишига қарамай, Словакияда қолишга қарор қилдим. Мен бир кун Неаполга қайтишни хоҳлайман. Неапол менинг уйим, лекин ҳозир қайтиш вақти эмас", - деди Гамшик.