Дортмунднинг "Боруссия" клуби ҳимоячиси Матс Хуммельс Нидерландиянинг ПСВ клубига қарши ўйиндаги дуранг натижаси ҳақида гапирди. Учрашув 1:1 ҳисобида дуранг билан якунланди.
"Биз хотиржамроқ ўйнашимиз керак эди. Жамоа кескин вазиятга ҳаддан ташқари берилиб кетди. ПСВни мағлуб этишимиз мумкин эди. Аммо тўпга етарлича эгалик қилмадик. Жавоб ўйинида буни тузатишимиз керак. Ишончим комилки, жамоа олға силжишга қодир", - деди Хуммельс УЕФА матбуот хизматига.
Жавоб ўйини 13 март куни Германияда бўлиб ўтади.
