"Манчестер Юнайтед"нинг собиқ бош мураббийи Оле-Гуннар Сульшер "Бавария"ни бошқаришга номзодлардан бири.
The Sun журналистларига маълум бўлишича, агар норвегиялик мутахассис жамоага тайинланса, немис гранди сафига у "қизил иблислар" лагерида бирга ишлаган бир нечта футболчилар қўшилиши мумкин. Гап ҳимоячилар Харри Магуайр ва Аарон Ван-Биссака, шунингдек, дарвозабон Давид де Хеа ҳақида кетмоқда.
"Бавария" амалдаги бош мураббийи Томас Тухелни истеъфога чиқариши мумкин. Агар мюнхенликлар Бундеслиганинг навбатдаги ўйинида “РБ Лейпциг”га қарши ўйинда мағлуб бўлса, мутахассис ишдан бўшатилади.
