"Бавария"нинг собиқ бош мураббийи Ханс-Дитер Флик Мюнхен жамоасига қайтишни истамаяпти.

"Қизил машина" раҳбарияти ҳам мутахассиснинг номзодига шубҳа қилмоқда. Бу ҳақда журналист Максимилиан Кох хабар бермоқда.

Қайд этилишича, Флик "Бавария"га қисқа муддатли мураббий бўлишни истамайди. Германиялик мутахассиси кўпроқ "Барселона"нинг узоқ муддатли лойиҳаси қизиқтиради. Ёзда у "кўк-анорранглилар" бош мураббийи сифатида Хави Эрнандесни алмаштириши мумкин.

Эслатиб ўтамиз, “Бавария” ҳали Томас Тухелни истеъфога чиқармоқчи эмас. Улар Тухелни ёзгача қолдиришни режалаштиришган, аммо жамоанинг натижалари ёмонлашса, раҳбарият уни яқин ҳафталарда истеъфога чиқариши ҳақида ўйлайди.