"Арсенал"нинг собиқ ҳимоячиси Вильям Галлас собиқ жамоадоши Андрей Аршавиннинг фаолияти ҳақидаги фикрлари билан ўртоқлашди. Француз россиялик собиқ ҳужумчини фаолиятида кўпроқ ютуқларга эриша оладиган жуда иқтидорли футболчи деб атади.
"Аршавинга ўхшаган футболчилар кам. Унинг "Ливерпул"га урган тўртта голини абадий эслайман! Аммо ўша "Арсенал"нинг исталган ўйинчиси у бундан ҳам кўпроқ ютуқларга эришиши мумкинлигини айтарди. Балки у бир мунча вақт бўшашиб, ўзидан кўпроқ талаб қилишни тўхтатгандир", - деди Галлас Metaratings билан суҳбатда.
Эслатиб ўтамиз, Аршавин 2009 йилдан 2013 йилгача "Арсенал"да ўйнаган. Ҳужумчи "канонирлар" сафида 144 та ўйин ўтказиб, 31 та гол урди ва 46 та голли узатмани амалга оширди.
