"Arsenal"ning sobiq himoyachisi Vilyam Gallas sobiq jamoadoshi Andrey Arshavinning faoliyati haqidagi fikrlari bilan o‘rtoqlashdi. Fransuz rossiyalik sobiq hujumchini faoliyatida ko‘proq yutuqlarga erisha oladigan juda iqtidorli futbolchi deb atadi.

"Arshavinga o‘xshagan futbolchilar kam. Uning "Liverpul"ga urgan to‘rtta golini abadiy eslayman! Ammo o‘sha "Arsenal"ning istalgan o‘yinchisi u bundan ham ko‘proq yutuqlarga erishishi mumkinligini aytardi. Balki u bir muncha vaqt bo‘shashib, o‘zidan ko‘proq talab qilishni to‘xtatgandir", - dedi Gallas Metaratings bilan suhbatda.

Eslatib o‘tamiz, Arshavin 2009 yildan 2013 yilgacha "Arsenal"da o‘ynagan. Hujumchi "kanonirlar" safida 144 ta o‘yin o‘tkazib, 31 ta gol urdi va 46 ta golli uzatmani amalga oshirdi.