"Барселона"нинг собиқ футболчиси Жерар Деулофеу Хави Эрнандеснинг мавсум якунида жамоа бош мураббийлигидан кетиши ҳақидаги қарорига изоҳ берди. Ёзда каталонияликларни ким бошқариши ҳозирча номаълум.
"Хави мавсум охирида фаолиятини якунлашини эълон қилганидан ҳайрон бўлдим, лекин мен уни тушунаман. Икки-учта ўйинда ёмон ўйнасангиз, кўп танқид эшита бошлайсиз" - деди Деулофеу.
Деулофеу ҳозирда "Удинезе" футболчиси, бироқ футболчи тиззасидаги операция туфайли бир йилдан кўпроқ вақт давомида сафдан чиқди.