"Бавария" бош мураббийи Томас Тухель ёзда "Барселона"ни бошқариши мумкин, дея хабар беради журналист Флориан Плеттенберг. 21 февраль, чоршанба куни Мюнхен клуби Тухель жорий мавсум якунида жамоани тарк этиши ҳақида расмий баёнот берди.

Манбага кўра, немис мутахассиси "кўк-анорранглилар" билан ҳамкорлик қилишдан манфаатдор. Шу билан бирга, Каталония идорасида Тухелнинг номзоди муҳокама қилинди. Қайд этилишича, мюнхенликлар устози ҳозирча ҳеч қайси клуб билан музокаралар олиб бормаяпти ва бор эътиборини "Бавария"даги мавжуд вазиятни тузатишга қаратган.

Тухель ўтган йилнинг март ойидан бери "Бавария"ни бошқариб келмоқда. Ўшанда германиялик мутахассис кутилмаганда бу лавозимда ҳамюрти Юлиан Нагельсманни ўрнини эгаллади. Тухель 2022/2023 йилги мавсумда Мюнхен билан Бундеслигада ғолиб чиққан.