Хабарингиз бор, эртага Осиё Чемпионлар лигаси нимчорак финал жавоб ўйини доирасида жамоамиз Саудия Арабистонининг “Ал-Иттиҳод” (Жидда) клуби меҳмони бўлади.

Мазкур учрашув олдидан жамоамиз бош мураббийи Самвел Бабаян матбуот анжуманида иштирок этиб, ОАВ ходимларининг саволларига жавоб берди. Қуйида унинг фикрларини эътиборингизга ҳавола этамиз.

"Эртанги ўйин жуда қийин кечади. Биз юлдузли таркибга эга бўлган “Ал-Иттиҳод”га қарши  майдонга тушамиз, аммо натижани олдиндан айтиб бўлмайди. Биз учрашувга яхши тайёргарлик кўрдик. Ўйлайманки, шогирдларим бўлажак баҳсда борларини бахшида этишади.

Биз мухлислар қаршисида тўп тепиш тажрибасига эгамиз. Аввалроқ “Ал- Ҳилол” майдонида дуранг ўйнагандик. Эртага “Ал-Иттиҳод” кўпроқ босимга дуч келади, чунки жамоа ўз мухлислари қаршисида тўп тепади.

Эртанги ўйин учун танлаган услубимизни ошкор қилмайман. Бизнинг ёндашувимиз қандай бўлиши ва қандай ўйин намойиш этишимизни бўлажак баҳсда кўрасизлар. Майдонда 11 нафар футболчига 11 нафар  ўйинчи саф тортади. Бензема ажойиб футболчи, лекин биз ҳеч кимдан қўрқмаймиз", - деди Самвел Бабаян.

“Навбаҳор” ПФК матбуот хизмати.