«Ан-Наср» ҳужумчиси Криштиану Роналду Осиё чемпионлар лигаси 1/8 финали жавоб учрашувида «Ал-Фейха» устидан қозонилган ғалаба (2:0) ҳақида фикр билдирди. Португалиялик футболчи баҳсда битта гол урди.
«Қандай оқшом! Биз кейинги босқичга ўтмоқдамиз, барчангизга қўллаб-қувватлаганингиз учун раҳмат!» — деб ёзди Роналду ижтимоий тармоқда.
Биринчи ўйин ҳам «Ан-Наср»нинг ғалабаси билан якунланганди (1:0). Икки учрашув якунига кўра, Роналду бошчилигидаги жамоа Осиё чемпионлар лигасининг чорак финалига йўл олди ва унда БААнинг «Ал-Айн» клуби билан ўйнайди.
