"Барселона" ҳужумчиси Роберт Левандовски "Наполи"га (1:1) қарши ўйиндан сўнг ўз таассуротлари билан ўртоқлашди.
35 ёшли польшалик футболчи ўйиннинг 60-дақиқасидаёқ жамоасини ҳисобда олдинга олиб чиқди, аммо мезбонлар Виктор Осимхеннинг аниқ зарбаси эвазига мағлубиятдан қутулиб қолишди.
"Биринчи бўлимни яхши ўтказдик ва яна бир ёки иккита гол уришимиз керак эди, аммо бу футбол. Биз олдинга чиқиб олганимизда бўшашиб қолдик, “Наполи” эса ҳужумга ўтди.
Рақиб ўзининг ягона имкониятини голга айлантирди. Биз учун ёмон натижа, лекин ўз уйимизда жавоб ўйини бор, биз унда ғалаба қозонишга умид қиламиз”, деди Роберт Левандовски ўйиндан кейинги интервьюсида.
