"Милан" бош мураббийи Стефано Пиоли Европа лигаси 1/16 доирасидаги "Ренн" билан бўладиган жавоб ўйини ҳақида гапирди.
Биринчи ўйин 3:0 ҳисобида Италия клубининг ғалабаси билан якунланган.
"Мен жамоага биз муносиб устунликка эга эканлигимизни айтдим, лекин биз биринчи дақиқалардан бошлаб буни кўриш ва "Ренн" каби яхши жамоага қарши биргаликда ишлашимиз кераклигини биламиз.
Рақиб нимани кўрсатади? Биз "Сан-Сиро"да кўрганимиздан фарқли жамоани кўришни кутмоқдамиз, улар муҳим стартга ҳаракат қилишларини биламиз ва биз бунга тайёрмиз", - дея Пиолининг сўзларини келтирмоқда «Милан» расмий сайти.
