"Палмейрас" Эндрикни йил охиригача жамоада сақлаб қолмоқчи.
Эслатиб ўтамиз, Эндрик июль ойида 18 ёшга тўлганидан сўнг, "Реал"га ўтиши керак.
Goal хабарига кўра, "Палмейрас" "Реал Мадрид" раҳбариятига 17 ёшли форвардни мавсум Бразилияда тугайдиган декабргача жамоада қолдириш истаги ҳақида маълум қилган, чунки мураббий Абель Феррейра Эндрикни жамоанинг асосий ўйинчиси деб ҳисоблайди. Бундан ташқари, Бразилия клуби Килиан Мбаппенинг шу ёзда "Реал"га ўтиши Эндрикнинг Мадридга келишини кечиктиришига ишонмоқда.
Қайд этилишича, Мадриднинг “Реал” клуби Эндрикни “Палмейрас”да қолдиришга рози бўлмаслиги мумкин, бироқ клубнинг расмий жавоби фақат апрель ойида эълон қилиниши кутилмоқда.