Ўтган мавсумнинг иккинчи қисмини Тошкентнинг «Олимпик» клубида ўтказган, ҳуқуқий жиҳатдан бунгача «Турон» клубига тегишли бўлган чап қанот ҳимоячиси — Саидафзалхон Аҳроров кейинги фаолиятини ОКМК жамоасида давом эттиради.

2003 йилда Фарғона шаҳрида таваллуд топган чап қанот ҳимоячиси Ўзбекистон U-19, U-20 ва U-23 терма жамоаларида тўп тепган. Эсингизда бўлса, Аргентинада ўтган U-20 жаҳон чемпионатида Саидафзалхон ўзининг ёрқин ўйинлари билан кўпчиликнинг эътиборини тортган эди. Футболчи Ўзбекистон Олимпия терма жамоамиз аъзоси ҳисобланади.

Саидафзалхон Аҳроров ҳозиргача Ўзбекистон Суперлигаси баҳсларида 13, Про-Лига доирасида 15 ва мамлакат кубоги баҳсларида 4 маротаба расмий ўйинларда иштирок этган.

ОКМК ФК ва футболчи ўртасида икки йиллик шартнома имзоланди.