Томас Тухель жорий мавсум охирида "Бавария"даги мураббийлик постини тарк этади - бу аллақачон маълум қилинган. Германиянинг Sky нашри журналисти Флориан Плеттенберг мутахассиснинг келажаги ҳақида яна бир фикр билан ўртоқлашди. У Тухелнинг хаёлида "Манчестер Юнайтед" борлигини тасдиқлади. Демак, Томас ўзини "қизил иблислар" бошқарувида синаб кўриши мумкин - у Премьер-лигадаги миссиясини тугалланмаган деб ҳисоблайди. Хабарингиз бор, Тухель аввалроқ Англиянинг “Челси” клубида ишлаган.
Шу билан бирга, Тухель вариантига “Барселона” ҳам қизиқаётгани қайд этилган. У Каталония клуби рўйхатидан жой олган. Хави ёзда жамоани тарк этиш қарорини эълон қилганидан кейин "блауграна" янги мураббий қидирмоқда.
Эслатиб ўтамиз, “Манчестер Юнайтед”га ҳозирда Эрик тен Хаг бош мураббийлик қилмоқда.
