Томас Тухель мавсум охирида "Бавария" бош мураббийи лавозимини тарк этиши ҳақида аллақачон маълум қилинганди. Айни пайтда, Тухель Мюнхенда дуч келган муаммолар ҳақида матбуотда фаол равишда маълумотлар пайдо бўлмоқда.
Мисол учун, ўтган ёзда Тухель Жошуа Киммих ёки Леон Горецка билан хайрлашишни таклиф қилди. "Бавария" бозорда Деклан Райс ва Жоау Палинья учун курашди, аммо инглиз футболчиси жуда қимматга тушадиган бўлди, шунингдек португалияликнинг келишуви охирги паллада барбод бўлди. Натижада Тухель Киммих-Горецка комбинациясидан фойдаланишда давом этишига тўғри келди, бу эса уни қониқтирмади. Бу ҳақда The Athletic нашри хабар бермоқда.
"Бавария" навбатдаги ўйинини 24 февраль куни "РБ Лейпциг"га қарши ўтказади.
