Англия терма жамоасининг собиқ ҳужумчиси Уэйн Руни ўсмирлик давридаги спиртли ичимликлар билан боғлиқ муаммолари ҳақида гапирди.
“Мен ўсган Ливерпуль яшаш учун қийин жой эди, лекин у ерда ўсишни жуда яхши кўрардим ва бу менга кўп нарсаларни ўргатди.
Эсимда, 14 ёшимда йўлни кесиб ўтаётган эдим, менимча, пайшанба куни бўлган ва шанба куни Колин Харви бошчилигидаги "Эвертон"нинг 19 ёшгача бўлганлар жамоасида ўйнашим керак эди.
Шундай қилиб, йўлни кесиб ўтаман, қўлимда бир қоп сидр, бир қути сигарет... Машина мени ўтказиш учун тўхтади, Харви эса рулда ўтирибди.
Ўсмирлик чоғимизда ташландиқ уйларни топиб, деразаларни синдириб, ўтириб ичардик. Ортга назар ташлайдиган бўлсак, ҳужжатли фильмда айтганимдек, менда жуда кўп муаммолар бор эди ва охир-оқибат жуда кўп ичдим ва бу менинг ишлашимга таъсир қилди", - дея Рунининг сўзларини келтирмоқда Daily Mail.
