Женнифер Эрмосо Луис Рубиалес можаросидан кейин ўзини қўллаб-қувватлашгани ҳақида гапирди.
Эслатиб ўтамиз, Испания терма жамоаси аёллар ўртасидаги ЖЧ-2023 финалидаги ғалабадан сўнг ўша пайтдаги Испания Қироллик футбол федерацияси раҳбари Рубиалес футболчи Женнифер Эрмосони қучоқлаб, лабидан ўпган эди.
Кенг тарқалган танқидлардан сўнг Рубиалес истеъфога чиқишини эълон қилди. Октябрь ойида ФИФА тартиб-интизом комиссияси уни 3 йилга футбол билан боғлиқ барча фаолиятлардан четлатганди. Испаниянинг Спорт бўйича маъмурий суди ҳам худди шундай қарор қабул қилди.
“Мослашиш қийин бўлган даҳшатли лаҳзада ўзини ёлғиз ҳис қилмаслик муҳим эди. Сиз билан бирга минглаб ўйинчилар борлиги сизнинг тўғри йўлда эканлигингизни англатади. Бу мен учун жуда муҳим эди, чунки ўзимни ҳимоялангандек ҳис қилдим", – деди футболчи.
