Якшанба куни "Челси" ва "Ливерпуь" Лига кубоги учун кураш олиб боради. Лондон жамоаси бош мураббийи Маурисио Почеттино яқинда "қизиллар"дан "Энфилд"да учралган йирик ҳисобдаги мағлубиятни (1:4) эслади.
"Бу бошқача. Премьер-лига ўйинларига ёки нейтрал майдондаги финалга ҳеч қачон бир хил ёндашув бўлмайди. "Уэмбли"да эса бошқача бўлади. Турли ўйинларни солиштириш ва бу янги ўйинга таъсир қилади, дейиш қийин. "Ливерпуль" - рақобатбардош жамоа. Улар яхши ёки бироз ёмонроқ ўйнашлари мумкин. Лекин улар доимо рақобатбардош ва биз уларга мос келишимиз керак. Ўйлайманки, биз сўнгги ҳафталарда кўп нарсаларни ўргандик. Биз яхши формадамиз", - деди Почеттино.
