Ўзбекистон ёшлар терма жамоаси (U20) Туркиядаги йиғин давомида навбатдаги назорат учрашувида майдонга тушди. Аҳмаджон Мусаев шогирдларига Москванинг "Спартак" клуби ёшлари рақиблик қилишди.

Ўйиннинг 11-дақиқасида спартакчилар ҳисобни очишга муваффақ бўлишди. Стандарт вазиятдан сўнг жарима майдончасига етказиб берилган тўпни Лисинков оёғи билан дарвозага йўллади.

30-дақиқада эса вакилларимиз тезкор қарши ҳужум уюштиришди ва футболчиларимиздан бири дарвозабон билан бирга-бир вазиятга чиқиб, ҳисобни тенглаштирди. Биринч бўлим тугашига яқин "Спартак" футболчиси Савичев индивидуал маҳорати эвазига жамоасни ҳисобда олдинга олиб чиқди.

Ўйиннинг иккинчи бўлими қўполликлар билан ёдда қолди. Бўлим бошида икки нафар москвалик футболчига ҳакам қизил карточка кўрсатди. Аммо жамоаларнинг ўзаро келишувига кўра, уларнинг ўрнига майдонга бошқа футболчи туширилди. Бўлим ўрталарида ўзбекистонлик футболчилардан бири ҳам қизил карточкадан "бебаҳра" қолмади. Иккинчи 45 дақиқаликда дарвозаларга тўплар киритилмади.

Назорат ўйини
ЎЗБЕКИСТОН (U20) - "СПАРТАК" (ёшлар) - 1:2