"Арсенал" бош мураббийи Микель Артета ярим ҳимоячи Деклан Райснинг жорий мавсумдаги ўйини ҳақида фикр билдирди.
“Мен уни шундай кўраман. Райс ҳаммага ёруғлик, равшанлик ва кўрсатма олиб келади. Бу унинг энг яхши сифати. Деклан - лидер, у ҳали жуда ёш ва кўп нарсаларни ўрганиши керак. Бироқ, Райсда биз учун ақлбовар қилмайдиган ўйинчи бўлиш учун ҳамма нарса бор", деди Артета матбуот анжуманида.
Эслатиб ўтамиз, ёзда “Арсенал” Райс учун Лондоннинг “Вест Хэм” клубига 100 миллион евродан ортиқ товон пули тўлаган эди. Деклан жорий мавсум Англия премьер-лигасида 4 та гол урди ва 4 та голли узатмани амалга оширди.
