"Челси"нинг ўнг қанот ҳимоячиси Мало Гюсто унинг жамоаси кубокларни кутаётган мухлислар учун Лига кубогини ютиши кераклигини айтди.
Турнирнинг ҳал қилувчи баҳсида “кўк-анорранглилар” эртага “Уэмбли”да Англия Премьер-лигаси етакчиси “Ливерпул”га қарши баҳс олиб боради.
“Мухлислар учун бу совринни ютиб олишимиз керак, чунки улар жамоадан кўп нарса кутишмоқда. Бу кубок ҳамма учун муҳим рол ўйнаши мумкин. Имкониятдан фойдаланишимиз керак, бошқа чорамиз йўқ. Биз ҳар бир ўйинда ғалаба қозонишимиз керак. Биз ёшмиз, лекин бу баҳона эмас", - деди Гюсто.
