Англия чемпионатининг навбатдаги турида Лондоннинг “Арсенал” жамоаси “Ньюкасл”ни қабул қилиб, 4:1 ҳисобида ишончли ғалаба қозонди. Клуб турнир жадвалида пешқадамликка даъвогар эканлигини яна бир бор исботлади. Учрашув натижаларини Лондон клуби ҳужумчиси Букайо Сака қуйидагича изоҳлади.

"Яна гол урганимдан жуда хурсандман, лекин бундан ҳам муҳими ғалаба қозонганимиздир. Айнан шу туйғуни бошдан кечириш учун ҳар куни ишлайман, кўп меҳнат қиламан. Бизда ажойиб жамоа бор”, — дея Сака сўзларини келтиради BBC Sport.

Лондоннинг “Арсенал” клуби охирги марта йигирма бир йил аввал – 2003 йилда Англия чемпионига айланганди.