"Ливерпуль" ярим ҳимоячиси Алексис Макаллистер "Челси"га қарши Англия Лига кубоги финали арафасида "кўклар" ярим ҳимоячисига Мойсес Кайседога қарши ўйини ҳақида гапирди.
Эслатиб ўтамиз, ўтган ёз Кайседо "Челси"ни танлаб, "Ливерпуль"га ўтишдан бош тортган эди.
"Ёзда Кайседо мени бироз хафа қилган бўлиши мумкин... Ҳазиллашяпман, ҳаммаси жойида, бу унинг шахсий қарори эди. У фантастик ўйинчи ва ажойиб инсон ва мен унга энг яхши тилакларимни тилайман – лекин якшанба куни бўладиган финалда эмас”, — дея Макаллистер сўзларини келтирмоқда The Telegraph.
“Челси” – “Ливерпуль” учрашуви бугун, 25 февраль куни бўлиб ўтади. Ушбу ўйиннинг бошланиши Тошкент вақти билан 20:00 га белгиланган.
