“ПСЖ” ҳужумчиси Килиан Мбаппе кеча бўлиб ўтган Франция 2-лигасининг 26-турида “Генгам”га қарши ўйинда (1:0) бошидан жароҳат олиб, комага тушиб қолган “Бордо” ҳужумчиси Алберт Хосуэ Элисни қўллаб-қувватлади.

"Менинг барча ижобий фикрларим сен билан боғлиқ", деб ёзди Мбаппе ўзининг ижтимоий тармоғида дуо қилаётган қўллар ва юрак эможисини қўшиб.

Эслатиб ўтамиз, Элис ҳавода рақиб ўйинчиси билан тўқнашиб кетганидан сўнг майсазорга омадсиз йиқилиб, ҳушини йўқотган, шундан сўнг уни замбилда майдондан олиб чиқиб кетишган. Кейинроқ “Бордо” футболчиси ўзига келди, бироқ шифокорлар уни касалхонага хавфсиз олиб бориш учун сунъий комага туширишга қарор қилишди.