“PSJ” hujumchisi Kilian Mbappe kecha bo‘lib o‘tgan Fransiya 2-ligasining 26-turida “Gengam”ga qarshi o‘yinda (1:0) boshidan jarohat olib, komaga tushib qolgan “Bordo” hujumchisi Albert Xosue Elisni qo‘llab-quvvatladi.

"Mening barcha ijobiy fikrlarim sen bilan bog‘liq", deb yozdi Mbappe o‘zining ijtimoiy tarmog‘ida duo qilayotgan qo‘llar va yurak emojisini qo‘shib.

Eslatib o‘tamiz, Elis havoda raqib o‘yinchisi bilan to‘qnashib ketganidan so‘ng maysazorga omadsiz yiqilib, hushini yo‘qotgan, shundan so‘ng uni zambilda maydondan olib chiqib ketishgan. Keyinroq “Bordo” futbolchisi o‘ziga keldi, biroq shifokorlar uni kasalxonaga xavfsiz olib borish uchun sun’iy komaga tushirishga qaror qilishdi.