Осиё чемпионлар лигаси-2013 1-тур ўйини эртага бўлиб ўтади. «Бунёдкор» сафарда Япония чемпиони «Санфречче Хиросима»га қарши майдонга тушади.

Учрашувни БААлик ҳакамлар бошқариб боришлари ҳақида хабар берган эдик.

Бироқ сўнгги хабарга кўра учрашувнинг бош ҳаками алмашган. Али Ҳамад Ал Бадвави жароҳат олгани боис ўйинни бошқара олмайди. Уни ўрнига ФИФА ҳаками Муҳаммад Абдулкарим Муҳаммад бош ҳакам этиб тайинланди.

Хиросимада бўлиб ўтадиган ўйин расмийлари билан танишиб олинг:

ОЧЛ. «G» гуруҳи
1-тур. 27 февраль
«Санфречче Хиросима» (Япония) – «Бунёдкор» (Ўзбекистон)
Бош ҳакам: Муҳаммад Абдулкарим Муҳаммад (БАА)
Қанот ҳакамлари: Солиҳ Муҳаммад Ал Марзуқи, Муҳаммад Жасим Ал Мехайрий (иккиси – БАА).
Захира ҳаками: Ҳамад Аҳмад Ҳошимий (БАА).
Назоратчи: Сун Баожие (Хитой).
Комиссар: Ким Донг Ки (Жанубий Корея).