Шанба куни "Лейпциг" устидан қозонилган 2:1 ҳисобидаги ғалабадан сўнг, "Бавария" бош мураббийи Томас Тухель ҳафта у учун қандай ўтгани ҳақидаги саволга жавоб берди.
Эслатиб ўтамиз, ҳафта бошида Тухель мавсум якунида "Бавария"ни тарк этиши эълон қилинган эди.
"Бу қарордан кейин мен машинада узоқ вақт юрдим ва ўйладим: "Бу нимани ўзгартиради?" Балки қайсидир ўйинчининг жаҳли чиқса, мен унчалик ташвишланмайман, чунки ёзда бу менинг муаммом бўлмайди", - деди Тухел ўйиндан кейинги интервьюсида.
Айни дамда "Бавария" Бундеслига турнир жадвалида "Байер"дан 8 очко ортда қолиб, иккинчи ўринда бормоқда.
