Якшанба оқшомида «Реал Мадрид» «Севилья»ни 1:0 ҳисобида мағлуб этди. Карло Анчелотти шогирдлари ўйин сўнггида ғалаба тўпини киритишди - тажрибали ярим ҳимоячи Лука Модрич гол урди.
Биринчи бўлим давомида ҳакам ҳужумда қоида бузилишини аниқлаб, Лукас Васкеснинг голини ҳисобга олмади. "Реал Мадрид" клуби телевидениеси ҳакамнинг бу қароридан норози бўлди.
«Бу ажойиб. Қандай шармандалик! «Севилья»га қарши ўйинда шундай ҳакамлик кўрдик. Ҳеч қандай қоидабузарлик йўқ эди ва буни бутун жамоатчилик кўрди», - дейилади клуб эфирида.
Айтиш жоизки, «Реал» клуб телеканали орқали мунтазам равишда ҳакамликдан шикоят қилади.
«Реал Мадрид» навбатдаги ўйинини 2 март куни «Валенсия»га қарши ўтказади.
