Хвича Кварацхелия "ПСЖ"га ўтиши мумкин.
Париж клуби Килиан Мбаппе ўрнига "Наполи" вингерини трансфер қилиш вариантини кўриб чиқмоқда, деб хабар беради La Gazzetta dello Sport нашри. "ПСЖ" А Сериянинг яна икки футболчиси - Кварацехлиянинг жамоадоши Виктор Осимхен ва "Милан" ҳужумчими Рафаэль Леауга қизиқиш билдирмоқда.
Грузиялик футболчининг Неапол клуби билан шартномаси 2027 йилгача амал қилади, унинг маоши йилига 1,2 миллион еврони ташкил қилади. Шартномада компенсация миқдори кўрсатилмаган.
23 ёшли вингер жорий мавсум "Наполи" сафида 33 та ўйинда майдонга тушиб, 6 та гол ва 4 та голли узатмага муаллифлик қилган. 2024 йилда у барча мусобақаларда тўққизта ўйинда битта гол урган.
