"Интер Майами"да аллақачон "Барселона"нинг тўрт нафар собиқ юлдузи бор - Лионель Месси, Серхио Бускетс, Жорди Альба ва Луис Суарес.
Айни дамда Қатарнинг “Ал-Дуҳаил” клуби шарафини ҳимоя қилаётган Филиппе Коутиньо ҳам ушбу рўйхатга қўшилиши мумкинлиги ҳақида миш-мишлар бор.
Бу ёзда 32 ёшга тўладиган бразилиялик футболчи миш-мишларга жавоб қайтарди.
"Мен фақат ҳозирги вақт ҳақида ўйлайман. Мен соғлом бўлишни, яхши тайёргарлик кўришни, яхши ўйин ўтказишни ва футболдан завқланишни хоҳлайман.
Биз келажакда нима бўлишини ҳеч қачон билмаймиз. Менинг исмим газеталарда тез-тез чиқади, улар мен ҳақимда яхши ва ёмон гапларни айтадилар.
Мен бунга қарамасликка ҳаракат қиламан, фақат ўз ишимни яхши ва завқ билан бажараман", - дея Коутиньонинг сўзларини келтирмоқда Spanish Sport.
