Тошкентда йиғин ўтказаётган "Навбаҳор" таркибига кеча Леонид Кошелев қўшилди. Машғулотларда Абдураззоқ Жўраев ва Леонид Кошелевлар иштирок этишди. Шуни алоҳида айтиш ўринлики, Кошелев ўтган йили "Навбаҳор"нинг мавсумолди йиғинларида ҳам иштирок этиб, шартнома имзолаган чоғида йиғинни тарк этиб, "Динамо"га бориб қўшилганди.
Аввал айтиб ўтганимиз, Асқар Жадигеровнинг сафга қўшилиши чўзилиб кетди. Клуб ва футболчи келишувга эришган эди. Лекин негадир футболчи таркибга ҳалигача қўшилмаяпти. Балки бошқа жамоадан таклиф тушишини кутаётгандир, яна билмадик.
Бугун наманганликлар "Оқжептес" клубига қарши назорат учрашувини ўтказади.
Зоҳидхон ИКРОМОВ
