Мюнхеннинг "Бавария" клуби Макс Эберлни спорт директори этиб тайинлаганини эълон қилди.
"Бавария"нинг кузатув кенгаши бугун бўлиб ўтган йиғилишда бир овоздан Эберлни тайинлаш бўйича қарор қабул қилди. 50 ёшли мутахассис клуб билан 2027 йилгача мўлжалланган шартнома имзолади ва 1 март куни ўз фаолиятини бошлайди.
Бундан ташқари, 1 июлдан бошлаб "Бавария" бошқаруви 3 кишидан иборат бўлади – Эберлдан ташқари унинг таркибига раис Ян-Кристиан Дрезен ва молия директори Майкл Дидерих киради. Маркетинг директори Андреас Юнг июнь ойида клубни тарк этади.
2023 йилнинг январидан сентябригача Эберль "Лейпциг" спорт директори лавозимида ишлаган. Бунгача немис мутахассиси Менхенгладбахнинг "Боруссия" жамоасида 23 йил ишлаган.