Ўзбекистон ёшлар терма жамоаси Туркиядаги йиғин давомида навбатдаги назорат учрашувини ўтказди. Вакилларимизга бу сафар "Краснодар" клуби ёшлар жамоасига рақиблик қилди. Таъкидлаш лозим, бу ўйинда "Пахтакор"нинг 5 нафар аъзоси терма жамоамизга ёрдам бера олишмади. Улар муддатидан аввал Тошкентга қайтишганди.

Учрашувда Аҳмаджон Мусаев шогирдлари 2:0 ҳисобида ғалаба қозонишди. Ўйиннинг 34-дақиқасида чап томондан узатиб берилган тўпдан сўнг Сергей Рекун дарвозабон билан яккама-якка вазиятда қолди ва моҳирлик билан тўпни унинг устидан ошириб, ҳисобни очди.

Иккинчи бўлимда энди шундай вазиятга Абдул Азиз Юсупов "девор" комбинацияси орқали чиқиб борди, дарвозабонга ҳеч қандай имконият қолдирмади.

Ўйин давомида краснодарлик ёшлар ҳам қулай имкониятларга эга бўлишди. Айрим вазиятларда уларга аниқлик етишмаган бўлса, айрим вазиятларда Асилбек Омонов ишончли ҳаракат қилди.

Шундай қилиб, терма жамоамиз Туркиядаги кетма-кет 3та мағлубиятдан кейин ниҳоят ғалаба нашидасини суришди.

ЎЗБЕКИСТОН - «Краснодар-ёшлар» – 2:0 (1:0)
Голлар: Сергей Рекун, 34 (1:0), Абдул Азиз Юсупов, 55 (2:0).
Огоҳлантиришлар: Собирхўжаев (40), Мирабдуллаев (50), Ж.Ҳакимов (85) — Морозов (81)
Ўзбекистон (U20): Оманов (Турсунбоев, 88), Шамсиддинов, Йўлдошев, Мирабдуллаев, Убайдуллаев, Олимов (Мирзараҳимов, 80), Рекун, Собирхўжаев (Нуриддинов, 87), Тошпўлатов, Ўринбаев (Ж.Ҳакимов, 46), Юсупов (Т.Ҳакимов, 68).
«Краснодар-ёшлар»: В.Ермаков, Хмелевской (Черов, 69), Марченко (Гамалян, 64), Морозов, Старков, Ланин (Самсонов, 88), Жигулев (Хушвахтов, 76), Агеев, Огурцов (Шляхов, 82), Ахриев (Марушко, 46), Альшанский (Комличенко, 46).
Ҳакамлар: В.Годулян, С.Даньковский, Э.Карапетян (барчаси – Украина).

Ўзбекистон (U20) ва «Краснодар-ёшлар» жамоалари ўртасидаги ўйиннинг хавфли вазиятлари видеолавҳасини қуйидаги ҳавола орқали томоша қилиш мумкин.